АЛДАРТ ГЕНЕРАЛЫГ ГАЙХАМШИГТАЙ ААВ БОЛГОСОН НАРНЫ ОХИН АННА.

Генерал Шарль де Голийг Францыг Чөлөөлөх Армийн удирдагч гэж түүхийн хуудсанд тэмдэглэн үлдээсэн байдаг хэдий ч түүнийг гайхамшигтай сайн аав, хүнлэг энэрэнгүй үзэлтэн байсан гэдгийг хүмүүс тэр бүр мэдэхгүй. Генерал Шарль де Голийн бага охин Анна 1928 оны 1-р сарын 1-нд төрсөн бөгөөд тэрбээр дауны хам шинжтэй байжээ.
Тухайн үед эцэг эх нь архичин, бэлгийн замын өвчтэй эсвэл ямар нэгэн удамшилын өвчнөөс болж даунтай хүүхэд төрдөг гэж нийтээрээ үздэг байсан учраас даунтай хүүхэд болон даунтай хүүхэдтэй гэр бүлийг нийгэм даяараа хавчин гадуурхадаг, үзэн яддаг байв. Генерал Шарль нийгмийн тэр хандлага, үзэл бодолд итгэдэггүй, эсрэгүүцдэг байсан хэдий ч охиноо бусдын халдлага, хэл амнаас хамгаалахын тулд тэр бүр олны дунд авч явахаас зайлсхийж, Анна охин ч гэртээ сурч хүмүүжиж өссөн байна. Дауны хам шинжтэй хүмүүсийн хувьд хамгийн хэцүү зовлон нь бусдын сөрөг хандлага, нүд үзүүрлэлт, доромжлол, тэр байтугай аминд нь хүрдэг халдлагууд байлаа.

ТЭДНИЙГ АЗТАЙ ХИЙГЭЭД АУГАА ГЭХЭЭС ӨӨР ЮУ ГЭХ БИЛЭЭ.

Залуу хоc 3 хүүхэдтэй бөгөөд 3 хүүхэд нь гурвуулаа дауны хам шинжийн нийтлэг хэлбэрийн трисоми 21-тэй төрсөн байна. Нэг үгээр генетикийн азын сугалаанд гурвын гурван удаа хожсон гэсэн үг л дээ.

Томсоны гэр бүлтэй танилцаарай
Том охин Калли 11 настай. Цахилгаан хэрэгсэлд дуртай, эмч, эмнэлэг, тариа гэх мэт бүх зүйлээс айхгүй харин ч бүр дуртай. Калли бусдад тусархуу, бүр дэндүү сайхан сэтгэлтэй гэж болохоор. Хувцасгүй нэгэнд хувцасаа тайлаад өгнө, хоолгүй нэгэнд өөрийнхөө тавагтай хоолыг өгнө, хэнд ямар тусламж хэрэгтэй байна тэр бүрт огтхон ч эргэлзэхгүйгээр тусладаг.
Дунд охин Монтана 8 настай. Түүнийг “Их Эр ээ” гэж хэлж болохоор. Эршүүд зантай Монтана машин засаж, загасчилж, гаднах ажлыг амжуулах дуртай. Мөн эрэмгий зан нь эрсдэлтэй бүхнийг турших “өтийг” нь хөдөлгөдөг гэлтэй, хүүхдийн паркийн хамгийн хамгийн экстрийм бүхэнд дурладаг.

Даунчикт дэндүү их хайртай

Шинэ долоо хоногийн мэнд 🙂
Өнгөрсөн долоо хоногийн Нью Иоркийн загварын долоо хоногийн нэгэн сенсаци байсан Jamie-гийн тухай ахин нэг нийтлэл оруулья. Тэрбээр дэлхийн өнцөг булан бүрт суугаа мянга мянган магадгүй сая сая даунтай хүүхдүүд болон даунтай хүүхдүүдийн аав ээжүүдэд ямар их урам зориг, итгэл найдвар бэлэглэснээ мэдэх ч үгүй байгаа бизээ. Миний хувьд ч мөн адил.
Энд нэгэн бүсгүй Жамия Нью Иоркийн загварын тайзнаа хэрхэн алхахыг өөрийн жижигхэн даунтай охинтойгоо очиж үзсэн сэтгэгдэлээ блогтоо оруулжээ. Талархасан сэтгэгдэлээ илэрхийлсэн блогчин бүсгүй 3 хүүтэй бөгөөд түүний бага охин дауны синдромтой гарсан байна. Мэдээж тэд “онцгой содон бэлгийг” хүртэх эрхтэй болсон сонгогдсон гэр бүл болж таарах нь.
Та бүхэн дараах бичлэг рүү орон даунтай бүсгүй Жамия загварын тайзнаа хэрхэн гялалзаж байгааг хараарай. Хамгийн сэтгэлээрээ, хамгийн гал цогтой, хамгийн үзэсгэлэнтэй, хамгийн хүүхдээрээ байгаа түүнийг хараад та ч мөн адил баярлана даа. http://5boysand1girlmake6.com/
Би хүртэл энэ бичлэгийг/постыг бичиж суухдаа өөрийн эрхгүй догдлоод байх чинь 🙂
ЖИЧ: Удахгүй өөр олон гоё бичлэг оруулнаа.

#даун #дауны_хам_шинж #даунтай_хүүхэд#хүүхэд #хүүхдийн_эрх #онцгой_бэлэг

Томас Эдисон

Нэг өдөр Томас Эдисон гэртээ ирэхдээ ээждээ багшийнхаа дамжуулсан захидлыг өгчээ. Тэгээд ээждээ “Багш танд энэ захиаг өгөөрэй, заавал ээжийнхээ гарт атгуулаарай гэсэн” гэж хэлж гэнэ.
Ээж нь захиаг задлан уншиж байхдаа өөрийн эрхгүй нулимс цийлэгнүүлэн уйлж эхлэв. Тэгээд ээж нь “Таны хүүхэд гоц авьяастай тул манай сургууль таны хүүхдэд хэтэрхий жижигдэж, мөн хүүхдэд тань хичээл заах сайн багш үгүй тул та хүүхэддээ өөрөө зааж сургаарай” гэж чанга дуугаар хүүдээ уншиж өгөв.

АЗ ЖАРГАТАЙ, ЭРҮҮЛ АМЬДРАХЫН НУУЦ????

Аз жаргал, эрүүл урт наслах нь хүн төрлөхтөний мөнхийн сэдвүүдийн нэг. Аз жаргал, эрүүл мэндийг мөнгөөр шийдэж болох уу, эсвэл заяаны төөрөгт даатгах уу?
Харвардын эрдэмтэдийн 75 жилийн судалгааны үр дүн бидэнд санаанд ч оромгүй хариултыг өгч байна. Хүний амьдралын аз жаргалын нууцыг тайлахаар хамгийн урт удаан үргэлжилсэн судалгааны багийн ахлагч профессор Роберт Валдингер шилдэг илтгэл, шинэ санааны нээлттэй цонх болсон ted.com-д 75 жилийн судалгааныхаа үр дүнг танилцуулжээ. Харвардын Эрүүл Мэндийн Сургуулийн сэтгэцийн эрүүл мэндийн профессор, Массачусетын Нэгдсэн Эмнэлгийн Сэтгэцийн эрүүл мэнд, эмчилгээ, судалгааны төвийн захирал Роберт Валдингерын илтгэлээс та бүхэнд тоймлон хүргэж байна. 

Өөрийгөө ол…

ГАЙХАМШИГ
“… Ийм ч учраас л бид сэтгэлдээ гунигтай, нэг их хоосон орон зайтай яваад байдаг, яагаад гэдгээ ч ойлгохгүй. Тэгээд л тэр хоосон зайгаа дүүргэхийн тулд бусдаас гуйдаг. Мөнгө гуйна, ажил гуйна, мэдлэг гуйна, хайр гуйна. Тэгээд түүнийг нь өгөхгүй юмуу өгч чадахгүй байвал уурлаж хорсоно…Гэтэл тэр бүхэн тань таны л дотор байгаад байгаам шүү дээ…” via Tsogt Ochirt.

IQ vs EQ,

*** ХҮНИЙ СУУРЬ, УГ НЬ МӨСӨН УУЛЫН ТЭРХҮҮ ЁРООЛ ШИГ… МЭДЭЭЖ УГ СУУРЬ НЬ БУСДЫН НҮДЭНД ИЛ БАЙДАГ ЗҮЙЛ БИШ.***
” …Хүнийг амжилтанд хүргэдэг гол чадвар нь оюуны чадамж буюу IQ гэж судлаачид нэг хэсэг үздэг байлаа. Гэтэл судалгаагаар энэ нь биш болж таарсан. Зовлонтой, хэцүү амьдралтай хүмүүсийн дотор маш өндөр IQ -тай хүмүүс харин ч олон байсан. Амжилтанд хүрэх, аз жаргалтай, сэтгэл хангалуун амьдрахад IQ -тай байхаас гадна EQ /emotional intelligence quontient / буюу сэтгэл хөдлөлөө удирдах чадвартай байх шаардлагатай гэдгийг судалгаа нотолсон. Өөрийгөө удирдаж чаддаг хүмүүс сэтгэл зүйн хувьд амар төвшин, ажил мэргэжлээрээ амжилт гаргаж, амьдралдаа сэтгэл хангалуун, аз жаргалтай байх ухааныг илүү эзэмшсэн байдаг. Хүн бол хамгийн үнэт зүйл. Хэний ч танихгүй боловсролтой, зөв хандлагатай, өөрийгөө хөгжүүлэхийг эрмэлздэг энгийн иргэд, эмч, цагдаа, сувилагч, багш энэ улсыг хөгжүүлнэ…”
*** ХҮНИЙ ХЭМЖЭЭНИЙ САВ – Зарим нь халбагатай, зарим нь шанагатай, зарим нь хувинтай … гэх мэт байх ажгуу***
Хүн бүр бухимдал, дургүйцлээ хадгалах тэвчээрийн савтай. Энэ савны хэмжээ хүн бүрийн хувьд том, жижиг харилцан адилгүй. Зарим нь өдөр тутам жижиг сажиг үйл явдал, хүмүүс хоорондын харилцаа, нөхцөлөөс бухимдал, стресс хуримтлуулсаар сав нь дүүрсэн явж байдаг. Ийм хүнд өчүүхэн төдий сэдэл өгөхөд дэлбэрэх аюултай.
Бухимдал, стресс хуримтлуулахгүй бол хэр баргийн зүйлд уурлаад байхааргүй сэтгэлийн орчин бүрдэнэ.
Гэхдээ бэрхшээлтэй нөхцөл байдлаас бухимдал хуримтлуулахгүй гарах нь тухайн хүн өөрийн сэтгэл хөдлөлөө удирдах чадвартай эсэхээс хамаардаг. ”
Д.Гангабаатар багшийн ярилцлагаас түүвэрлэв.
Жилийн өмнө уншиж байсан. Ахин уншихад хүртэл шүүрдэх сувд ихтэй, өгөөжтэй шар тос тул цомогтоо архивлан хадгалав.
ЭХ СУРВАЛЖ: http://mongolnews.mn/1pj1

Хэрэв даунчик үгүй бол???

http://www.futureofdowns.com/campaign/ Их Бритианд энэ намраас эхлэн “Даунчикууд хорвоод мэндэлснээр…”, “Даунчикууд хорвоод мэндлээгүй бол …” гэх аян өрнөж хүчээ аваад байгаа. Барууны орнуудад дауны хам шинжийг ураг байхад нь эрт илрүүлвэл аборт хийхийг зөвлөдөг /зөвлөдөг гэхээсээ илүүтэй шахаж авахуулахаас өөрцгүй гарцаагүй байдалд оруулдаг гэж эцэг эхчүүд гомдол гаргадаг юм байна лээ/ бөгөөд эцэг эх нь зөвшөөрч бараг 90 гаруй хувь нь үр хөндүүлдэг гэсэн статистик байдаг. Тэгвэл яг үнэндээ хүнийг ураг байхаас нь ялгаварлан гадуурхаж, сонголт хийж буй энэхүү бусармаг үйлдэлийг олон жилийн өмнөөс даунтай хүүхэдтэй эцэг эхчүүд эсэргүүцэн тэмцсээр энэ намар бүүр хүчээ аваад байгаа гэж хэлж болно.
BBC ТВ-гээр энэ тухай цуврал баримтат кинонууд удаа дараа гарсаар байгаа бөгөөд Их Бритиан одоогоор даунтай ургийг аборт хийхгүй байх талаар засгийн газрынхаа түвшинд ярьж байгаа сурагтай. http://www.futureofdowns.com/campaign/

Сэтхил

http://www.medee.mn/main.php?eid=85985 Далайн Ламын ярианы агуулга маш гоё. Хүн төрлөхтөний хувьд, нэг ёсондоо хөрөнгөтөн үндэстэнүүдийн хувьд материаллаг, техник технологийн, эдийн засгийн хөгжил үүнээс цааш ямар байх вэ? Намар ирсэн Япон сэтгэл судлаачийн ярианаас хэд хэдэн зүйлийг сайтар ойлгосон. Тэр нь “Япон хөгжлийнхөө бараг дээд шатандаа хүрчихсэнийхээ дараа л хүнийг сэтгэлийн “амьтан” гэдгийг орхигдуулжээ гэдгээ хүлээн зөвшөөрч эхэлж байна.Хүнийг сэтгэл талаас нь таних ёстой байснаа одоо л ухаарч байна. Материаллаг хөгжлийн араас хэтэрхий шунаад хөөцөлдөөд хэрэггүй. Магадгүй Монголын өнөөгийн байгаа байдал та бүхэнд илүү их давуу талыг авчирна гэж хувьдаа бодож байна” гэж хэлсэн. Япон сэтгэл судлаачийн яриа, Далай ламын яриа хоёрын агуулга нэг ажээ. Бидний амьдарч байгаа цаг үе бол бусдыг ойлгох, хайрлах хүндлэх, энэрэх нигүүсэх хөгжлийг эрэлхийлэх үе юм. Энэ агуулгыг олж харсан нь манай хүүхдүүдийн ирээдүй гэрэлтэй байх нэг үндэс билээ.
Аливаа зүйлийн учир жанцанг ойлгох л хамгийн хэцүү байдаг. Бусдыг хайрлах, хүндлэх, ойлгохын тулд шүүн таслахгүйгээр тэвчээртэй сонсох ёстой гэдгийг ойлгосон нь их том дэвшил юм.
Үүнд та ямар хувь нэмэр оруулж чадах вэ? гэж бодох л асуудал. Хүнд мөнгөөр биш “сэтгэл”-ээр хөрөнгө оруулалт хийгээрэй, Хүнийг сонсож, ойлгож, хайрлаж, өөрийг нь үнэлж хүндэлж байгаагаа үг, үйлдэлээрээ мэдрүүлж нотолж байгаарай. 

Би илүү тэгээд юу гэж :-)

http://tomyobodyo.niitlelch.mn/content/8157.shtml энэ нийтлэлээр Соссюр гээд нэг надархуу мэргэн ухаантай нөхөр “Хэл бол Ялгаануудын систем юм” гээд хэлчихсэнийг таануудад ойлгуулах гэж их хичээж 🙂 Гол нь Соссюр бид хоёр тунчиг адилхан боддог юм санж. Би яахав боддог юмаа л бодно шдээ ямар халгиж цалгих хэмжээ дамжаатай ч биш.
ЗАА ЭХЛЭЕ: Нэг ХҮН байжээ. Нэг хүн-үүд нийлээд нэлээд хүн болж бөөгнөрлөө гэж бодоё. Тэдэн дотор нэг ЯЛГААТАЙ хүн байна. Тэр хүн яг чам шиг 46 хромсомтой биш 47 хромсомтой. 1 илүү хромсомтой учир чамаас ялгаатай. Соссюрын онолоор түүнийг бусдаас ялгах гэж ДАУНЧИК гээд нэрлэжээ. Заа эргээд хүний бөөгнөрөл рүүгаа ороё. Тэр бөөгнөрөл дунд зогсож байгаа нэг хүн, ялгаатай хүн рүү хараад “энэ яасан сонин навтгар хамартай юм вэ” гэж бодохын төдийд амнаас тэр үгс нь асгараад л гараад ирнэ. Тэгэнгүүт манай даунчик эргүүлээд ингэж бодно “Энэ яасан хил гааль гарч галуу шувууны мах идэж, ялгаатай юм үзээгүй нөхөр вэ. Күй нээрээ шал далий банталттай нүдийг нь хараад байгаарай улаан туг чинь …Гариг эрхэс андуурдаггүймаа гэхэд жоохон холхон явж юм үзэж нүд тайлаасай билээ базардарь гэж. Үзэж харж чадвал тэр нь биенд шингэж гийгээсэй билээ Бурхан чиний мунхагийг ивээг” гэхчилэн үргэлжлүүлэн бодох авч чамтай харицах ч үгүй, тоохгүй угаасаа чамайг хахахахаха
Манайдуул танайдуулыг хараад бас их сонин сонин юм бодчихсон л явж байдаг юм шдээ. Гол ялгаатай нь тэр хэзээний бусдын ялгаатай байдлыг хүндэлдэг учраас хэлэх шаардлагагүй гэж боддогт л хамаг учир оршиж байгаа юм.
Энэ хэлээ гаргалтыг Эйнштэйн стайл гэдгийм даа. Айнштайн ч гэж хэлж болно-тэгвэл жоохон Англиштай юм шиг боловсролтой сонсогдоно нтр.