Өнгөт орчлонд нэгэн хос өрх тусгаарлан хослон жаргах жам ёсыг сонгожээ 
🙂
Их сайхан хурим болсон байна шүү. Манай зулзага хэзээ ингэж хуримаа хийхийн болоо. хол байна даа хол байна. Охиноо айлын эзэгтэй болж аяга таваг эргүүлж, түмпэн сав тачигнуулна гэхээр харамлаад байхын. Хөлд нь сарнай зулж, өглөө бүр үнсэлтээрээ сэрээж оронд нь хоол зөөх хархүүд л охиноо өгнө дөө.
http://www.huffingtonpost.com/entry/magical-unicorn-wedding_us_586d5d97e4b06d0d7dfe91ce
Шинэ жил, зул сараар тоглох Цөмөөхэй бүжгэн жүжгийг та бүхэн хүлээдэг үү 🙂
Жэйк гэх бяцхан даунчик маань энэ жил Цөмөөхэй бүжгэн жүжигт мэргэжлийн бүжигчидтэй хамтран бүжиглэж нэгэн дүрийг бүтээхээр болжээ. Энэ жил 7 настай Жэйк хүү Синсинатийн баллерина нартай хамтран бүжиглэх анхны даунчик болж байна. Анхны мэргэжлийн балетчин гэх юм байна шүү 🙂
Синсинатийн балетын сургуулийн саажилттай болон даунтай хүүхдүүдэд зориулсан бүжгийн ангид Жэйк хүү сүүлийн 4н жил суралцаж байгаа юм байна. Энэ жил тоглох Цөмөөхэй бүжгэн жүжигт Жэйк хүү маань үдэшлэгт уригдсан хөвгүүний дүрийг бүтээх ажээ. Хөөрхөн даунчик маань энэ сарын 9-18-ны хооронд дөрвөн ч тоглолттой байсан гэнэ шүү.
ГАЙХАЛТАЙ ЮМАА. Ийм мэдээ уншингуут бяцхан охиноо Цөмөөхэйд дэгдэн гүйх хөөрхөн бүжигчин болгоно доо гээд бодчихлоо. Эртнээс Алтанхуяг гавьяаттай холбогдох уу яах уу 🙂 айн арай эрт үү 🙂 Уг нь мань хоёр чинь бага ангидаа хамтдаа бүжгэнд явдаг байсан Дугараа гавьяатын шавь нар шүү дээ 🙂
ТА БҮХЭН ЦААШИД https://www.facebook.com/DownSyndromeOnTheMighty/ фэйжээр орж даунчикуудын амжилттай танилцан урам авч байгаарай.
#даун #дауны_хам_шинж #даунтай_хүүхэд#хүүхэд #хүүхдийн_эрх #онцгой_бэлэг
Коллете олон жил ажил хайсан ч түүнийг ажилд авах байгууллага олдоогүй. Ажил олгогчид “танд тохирсон ажлын байр манайд алгаа” гэдэг нийтлэг хариулт өгдөг байлаа. Учир нь тэр даунтай.
Иймд Коллете нарийн боовны өөрийн бизнесийг эхлүүлэхээр шийджээ 🙂
BBC -ын сурвалжлагч: Таны бизнесны амжилт хөгжлийн бэрхшээлтэй олон хүнд урам өгөн, амжилтын загвар болно.
Коллете: Тиймээ, тэгэлгүй яахав.
BBC -ын сурвалжлагч: Тэд бүгд Коллете чадсан шүү дээ…гэж хэлэх нь…
Коллете: Тэд ч мөн адил чадна гэсэн үг.
Коллетийн үйлдвэрлэдэг шоколадтай нарийн боов худалдан авагчдын дуртай бүтээгдэхүүн болж чаджээ. Тэрбээр уг бүтээгдэхүүнээ Востоны томоохон дэлгүүрүүдээр түгээн борлуулж байна. Коллетийн нарийн боовны бизнесийн талаарх нэвтрүүлэг ТВ-гээр гарсны дараа түүнд тэр даруй 4000 захиалга ирсэн байна 🙂
Коллетийн ээж: Түүнийг үгүйсгэсэн, бассан бусдын хандлага охинд минь “Та нарт үзүүлээд өгнөө” гэх зориг өгсөн гэж боддог.
Цаашид Коллете бизнесээ өргөжүүлэн хөгжлийн бэрхшээлтэй хүмүүсийг ажилтай болгохыг зорьж байна.
ӨГЛӨӨНИЙ МЭЭЭЭНД 🙂
#даун #дауны_хам_шинж #даунтай_хүүхэд#хүүхэд #хүүхдийн_эрх #онцгой_бэлэг
Дауны хам шинжтэй хүүхэдтэй таван гэр бүл хамтран энэ сарыг “Дауныг зөв таниулах сар” болгон зарлажээ. Тэд үр хүүхдийнхээ төлөө ийнхүү нэгдэж, нийгэмд сайн сайхан эерэг өөрчлөлтийг авчрахын тулд олон бэрхшээлийг өөрсдийн хүч хөдөлмөр, эр зоригоор даван туулж байгаа аж.Энэхүү таван гэр бүлийн нэгэн төлөөлөл болох Б.Батцэцэгтэй ярилцлаа.
-Дауныг өвчин гэж хэлж болохгүй гэж та хэллээ. Тэгэхээр энэ төрлийн ойлголтгүй хүмүүс юу гэж хэлэх хэрэгтэй вэ?
–Дауныг өвчин гэж ойлгож, хэлж болохгүй. Даунтай буюу дауны хам шинжтэй хүүхэд /хүн/ гэж хэлж, ойлгох хэрэгтэй. Өмнө нь үүнийг оюуны хомсдол, бэрхшээл гэж үздэг байсан. Яагаад гэвэл илүүдэл хромсом нь уураг түлхүү ялгаруулаад эхлэхээр тухайн хүний тархины үйл ажиллагаа ямарваа нэгэн зүйлийг ойлгох нь удаашрах, сэтгэл хөдлөлөө илэрхийлэх, хариу үйлдэл үзүүлэх зэрэг нь удаашралтай болдог гэсэн үг.
Даунтай хүүхдүүдийн эцэг эхчүүд санаачлан энэ сарыг “Дауны хам шинжийг нийгэмд зөв таниулах сар” болгон зарласан билээ. Тэдний ажлыг манай цахим сонин дэмжин ажиллаж байгаа бөгөөд энэ удаад даунтай хүүхдүүдийн эцэг эхийн төлөөлөл Б.Улаанбаатартай ярилцлаа. Тэрээр МУИС-ийн Хууль Зүйн Сургуулийн багш юм.
Та бүхний санаачлагыг “Дэлхийн Дауны Холбоо” сайшаан дэмжсэн. Эцэг эхчүүд нэгдэн нийгэмд зөв ойлголт өгөх ажлын үр дүн гарч эхэлсэн байна шүү?
-Өмнө нь төрсөн, одоо төрж байгаа, ирээдүйд төрөх даунтай хүүхэд, хүмүүсийн талаар олон нийтэд эерэг, зөв, ойлголт өгөх үүднээс энэ ажлыг санаачилж, эхлүүлсэн. Эцэг эхчүүд нийгмийн сүлжээ болон Монголын Дауны холбоогоор дамжуулан өөр хоорондоо холбогдон энэ ажлыг санаачлахдаа Дэлхийн дауны холбоо руу хандаж, “Ийм ажил хийгдэж байна, дэмжээч” гэсэн хүсэлт бол тавиагүй. Ийм санаачлага гаргажээ гэдгийг мэдээлсэн бяцхан мэдээлэл дэлхийн дауны холбооны сайтад тавигдсанаар Монгол улсад даунтай хүүхэдтэй эцэг эхчүүд Монголын нийгэмд дауны талаар тухай буруу ойлголтыг халахаар ажил санаачиллаа гэдгийг Дэлхийн дауны холбоо анхаарсан юм. Хүний хромосом 46 байдаг бол даунтай хүмүүсийнх 47 байдаг бөгөөд 21 дэх хромосом нь 3 болж хуваагддагаас даунтай хүмүүс 47 хромосомтой байдаг тул жил бүрийн 3 дугаар сарын 21-ний өдрийг дэлхий нийтээр дауны өдөр болгон тэмдэглэдэг юм. Тиймээс эцэг эхчүүд маань 3 дугаар сарын 1-ээс 30-ны өдрийг дуустал бүтэн сарын туршид хэвлэл мэдээллийн хэрэгслээр дамжуулан даунтай хүмүүсийн талаарх бодит байдлыг хүмүүст хүргэхийг хүссэн. Манай нэгэн гэр бүл санаачлан даунтай хүүхэд ба түүний гэр бүлийн эгэл жирийн амьдралыг гэрэл зургаар дамжуулан хүмүүст хүргье гэсэн саналын дагуу гэрэл зураг сонирхогчдын “Хорьт” фото клубын 20 гэрэл зурагчин залуус уг төсөлд оролцох саналаа ирүүлсэн юм, тэд 20 гэр бүлд зочилж фото сурвалжлага хийн бүтээлийнхээ дээжээр гэрэл зургийн үзэсгэлэн гаргахаар болсон. Бүтэн сарын туршид гэрэл зурагчид даунтай хүүхдүүдтэй аль болох ойр байж дауны хам шинжийн талаар тодорхой ойлголттой болсоны үндсэн дээр гэрэл зургаар дамжуулж хүмүүст хүргэнэ. “Хорьт” клубын гэрэл зурагчин залуус хөдөө орон нутгаар явахдаа үзэсгэлэнгийн зургуудаараа очсон газраа үзэсгэлэн гаргах боломжтой. Мөн эцэг эхчүүд ч орон нутгийн иргэдэд дауны хам шинжийн талаарх буруу тогтсон ойлголтыг халан эерэг зөв буюу бодит мэдээллийг өгөх талаар цаашид үргэлжлүүлэн ажилласаар байх болно. Үзэсгэлэн 2016 оны 3 дугаар сарын 22-оос 24-ний өдрүүдэд “Blue Mon” центрийн Арт галарейд гарна.
НИМБЭГНИЙ ТУХАЙ бичье гэж бодоод завдахгүй байсан юм.
Хүүхдүүддээ өдөрт заавал нимбэгтэй ус уулгаж байгаарай. Хүүхэд анхнаасаа юу идэж, юу ууж сурна түүгээр л байдаг. Манайх өдөртөө
1. Ааруулны шүүс гарсан ус
2. Нимбэгтэй ус заавал өгч байна.
Ааруулын шүүс нуль калци тул яс бэхжилт зэргийг дэмжиж, Д витамин цусанд зөв шимэгдэхэд тустай. харин нимбэг бол нуль С витамин тул амьсгалын замын үрэвсэлт өвчинөөс урьдчилан сэргийлэхээс гадна ханиад шуухниа хүндрэхгүй байхад дэмтэй. Нимбэгний талаарhttp://news.xopom.com/147253/ эндээс уншина уу.
Нимбэг исгэлэн байдаг ч Хятад нимбэг их муухай гашуун байдаг юм байна лээ шүү.
Бид “чанартай” ус уух ёстой. Дархлаагаа алдахгүй, хэтрүүлсэн давс, сахар, химийн найрлагаас үүдэлтэй хор биедээ хуримтлуулж төрөл бүрийн өвчинг “баярлуулж, улмаар хавдар үүсэх нөхцөл бүрдүүлэхгүйн тулд биеийн усны тэнцвэрээ алдахгүй байх, эрдэслэг ус уух ёстой гэдгийг олон ч эмч, оточ хэлдэг шүү дээ. Дэ Жангум дээр гайхал Жангум маань эмчилж буй өвчтөндөө эм болсон хоол хийхээр уулын эхээс горхины ус авах гэж өглөө эрт зорин зорин уул руу явдаг даа /Жангумаас авах юм их дээ 🙂 /
Хүний биеийн анатоми, бодисын солилцооны эргэлт зэргээ 10н жилийн хичээлийнхээ түвшинд санаж байгаа бол эрдэслэг амьд ус яагаад эрүүл мэндэд чухал болохыг логик чинь холбоод өгөх байхаа.
Хаанаас чанартай ус уух вэ? Эрдэслэг/минералтай усыг хаанаас олох вэ гэж үү? Манай гэр бүлийн туршлага нэг иймэрхүү байна даа.
1. Булгийн ус уух. Газрын хөрсөөр урсахдаа байгальд орших олон олон эрдэсийг өөртөө шингээх тул булгийн ус шиг эрдэслэг нь хаа байхав дээ. /Булгаас ус авахдаа “сахилга баттай”, байгаль дэлхийдээ хүндэтгэлтэй хандах ёстойгоо хэлүүлэлтгүй мэдэж байгаа байхаа/
2. Харин “хөөрхөн” булаг хөлдсөний дараа буцалсан усандаа нимбэг, огурцы, минт хандалж уух. Булаг гэстэл биед хуримтлагдсан хорыг сайн гадагшлуулж чадна даа /амьд усны зургийг Oži Ojinka Ochgerel Ожи-гийн нүүрномоос авав/
Та бүхэнд өөр арга байвал хуваалцана бизээ.
ХАМГИЙН ОНЦГОЙ БЭЛЭГ 